ពេលនេះ វិទ្យាស្ថានជាតិការទូត និងទំនាក់ទំនងអន្តរជាតិ មានផ្តល់ជូនការប្រឡងយកវិញ្ញាបនបត្រភាសាអឺរ៉ុបទំនើប (Modern European Languages Certificate) សម្រាប់ភាសាអង់គ្លេស បារាំង អាឡឺម៉ង់ អេស្ប៉ាញ អ៊ីតាលី និងព័រទុយហ្កាល ចេញដោយសហព័ន្ធសាលារៀនអឺរ៉ុប FEDE (Fédération Européenne Des Écoles) ដែលមានបណ្ដាញជាង ៥០០គ្រឹះស្ថានសិក្សា នៅក្នុង ៤០ប្រទេសលើពិភពលោក។ FEDE ត្រូវបានទទួលស្គាល់ជាផ្លូវការដោយវិទ្យាស្ថានហ្វ្រង់កូហ្វូនីសម្រាប់ការអប់រំ និងបណ្ដុះបណ្ដាល (Institut de la Francophonie pour l’Éducation et la Formation-IFEF) នៃអង្គការអន្ដរជាតិហ្វ្រង់កូហ្វូនី (Organisation Internationale de la Francophonie- OIF)។

វិញ្ញាបនបត្រភាសា FEDE ស្របទៅតាមក្របខណ្ឌយោងរួមរបស់អឺរ៉ុបសម្រាប់ភាសា CEFR (Common European Framework of Reference for Languages) របស់ក្រុមប្រឹក្សាអឺរ៉ុប ។

វិទ្យាស្ថានជាតិការទូត និងទំនាក់ទំនងអន្ដរជាតិ ជាមជ្ឈមណ្ឌលប្រឡងផ្លូវការរបស់FEDEតែមួយគត់នៅក្នុងប្រទេសកម្ពុជា។

វិញ្ញាបនបត្រភាសា FEDE ប្រើប្រាស់សម្រាប់អ្នកសិក្សា និងអ្នកធ្វើការ ដែលមានបំណងចង់បន្ថែមគុណតម្លៃលើភាសាអឺរ៉ុបរបស់ខ្លួន នៅក្នុងប្រវត្តិរូបសង្ខេប ឬនៅក្នុងអាជីពការងារ។ ការប្រឡងយកវិញ្ញាបនបត្រភាសាFEDE វាយតម្លៃកម្រិតចំណេះដឹងរបស់អ្នកក្នុងជំនាញបួនគឺ៖ ការស្តាប់ ការសរសេរ ការសន្ទនានិងការឆ្លើយសំនួរលើអំនាន។